Муус устар 6 күнүгэр, Мүрү 1-гы нүөмэрдээх орто оскуолатыгар поэт Иван Арбита төрөөбүтэ 105 сылыгар аналлаах "Сырдык айыы ырыаһыта" диэн литературнай- музыкальнай биэчэр ыытылынна. Саха эстрадатын чаҕылхай сулуһа, Иван Арбита айымньыларын тарҕатааччы, сырдатааччы Байбал Сэмэнэп ,биэчэри "Оһуордаах ыйдаҥа" диэн ырыатынан саҕалаата. Бу тэрээһиҥҥэ 2"б"кылаас кыргыттара ( кыл.сал.Н.Н.Портнягина), 10 "б" (кыл.сал Д.Н.Дьяконова) уонна 11"б"уолаттарын бөлөҕө ( кыл.сал. Е.Т.Егорова) оскуола учууталлара, үлэһиттэрэ Иван Арбита хоһоонноорун дорҕоонноохтук аахтылар. Е.Н.Сыроватская Арбита " Ардах" хоһоонун "Дуорай" ансаамбыл (сал. О.А.Атласова), 7"б"кылаас уолаттара (кыл.сал О.Н.Матвеева) күпсүүрүнэн доҕуһуоллатан аахпыта сонуннук иһилиннэ.
Байбал Сэмэнэп 10-тан тахса И Арбита тылларыгар суруллубут ырыаларын ыллаата, поэт олоҕун , айымньыларын туһунан кэпсээтэ. Ити курдук, оскуолабытыгар ураты ыалдьыттаах, сонун тэрээһин буолан дьон- сэргэ астынан,дуоһуйан тарҕастылар . Саха эстрадатын сулуһа Байбал Сэмэнэп бэйэтинэн кэлэн кыттыыны ылбыта Иван Арбита туһунан теманы киэҥник арыйбыта, оҕолор өйдөрүгэр- санааларыгар поэт туһунан үтүө өйдөбүл хаалла диэн эрэнэбит. Музыкальнай-литературнай биэчэри тэрийсибит көҕүлээбит Н.Н.Портнягинаҕа, оскуола библиотекатыгар, администрациятыгар бэртээхэй биэчэри тэрийбиттэригэр сылдьыбыт дьон махталларын тиэртилэр .