Муус устар 12 күнүгэр Оскуола иитэр үлэтин баай опытыгар олоҕуран воспитательнай система үлэһиттэрин "Комплексный подход к развитию воспитательной системы в общеобразовательном учреждении» улуустааҕы семинара ыытылынна. Тэрээһиҥҥэ улууспут араас оскуолаларыттан иитэр үлэни тэрийэр биир идэлээхтэрбит : 17 дириэктэри иитэр үлэ5э солбуйаачча, 21 кылаас салайааччыта, 13 психолог, 9 социальнай педагог, 5 библиотекарь, 2 музей үлэһитэ кытннылар. Семинар 6 хайысханан теоретическай уонна практическай чаастаах ыытылынна, ону таһынан эбии үөрэхтээһин педагогтара үлэлэрин көрдөрдүлэр.

Муус устар 13 күнүгэр сылын ахсын Лөгөй орто оскуолатыгар П.В. Оготоев аатынан XVIII – с улуустааҕы нуучча тылын олимпиадата 5-8 кылаас үөрэнээччилэригэр ыытылынна. Биһиги оскуолабытыттан үөрэнээччилэрбит ситиһиилээхтик кытыннылар: Иванова Саина 7 “б” - 1 миэстэ “Лучшая сочинения” номинация хаһаайката (сал. Лазарева Н.И.); Готовцева Диана 5 “б” – 3 миэстэ (сал. Матвеева О.Н.); Лугинова Юнна 8 “а” - “Знаток русского языка” номинация уонна Оготоев П.В. оҕолорун анал бириистэринэн наҕараадаланна.

Мустар 14 күнүгэр үгэскэ кубулуйбут «Байанай” күрэх ыытылынна. Бу күрэххэ кылаастан 4 уол уонна биир аҕа кыттар, оҕолор аҕаларын кытары сибиэһэй салгыҥҥа балыктыыллар, күрэхтэһэллэр дуоһуйа сынньаналлар. Күрэх барыта 6 түһүмэхтэн турар. Орто уонна улахан сүһүөх уолаттарын хамаандатыгар арахсан. Орто сүһүөххэ саамай элбэх уонна улахан балыгы тутан Герасимов Сеня 7 “б” кылаас үөрэнээччитэ буолла, улахан кылаастарга элбэх балык - Данилов Вася, улахан балык - Копырин Гоша 10 “а” кылаас үөэнээччилэрэ. “Бастыҥ ытааччы” номинация хаһаайына Черноградскай Сережа, “бастакы балык” Шелковников Алеша 7 “б” кылаас үөрэнээччилэрэ. Орто сүһүөххэ уопсай хамаанданан күрэҕэр 7 “б” кылаас уолаттара кыайан, переходящай кубок хаһаайына буоллулар. Улахан сүһүөхтэргэ 10 “а” кылаас кимиэхэ да инин биэрбэтэ. Бу күн оҕолор сибиэһэй салгыҥҥа сылдьан дуоһуйа сынньанан, балыктаан, айылҕаны кытта алтыһан, күүс эбинэн кэллилэр.