Муус устар 27 күнүттэн ыам ыйын 1 күнүгэр диэри Казахстаҥҥа Алматы куоракка мас – реслиҥҥэ аһаҕас международнай турнир буолан ааста. Бу улахан күрэхтэһии аан дойдуга иккис төгүлүн ыытылынна. Биһиги республикаттан 13 уол, биир кыыс сүүмэрдэммит хамаандаҕа киирэн күрэхтэстилэр. Мүрү 1 №-дээх орто оскуолатын 10 кылааһын үөрэнээччитэ Данилов Вася 1 мисэтэни ылла. Бу үрдүк ситиһиитинэн эҕэрдэлээн туран Васяттан бэйэтин туһунан кэпсиириттэн көрдөстүм – “ Мас тардыһыынан кыра кылаастан саҕалаан дьарыктаммытым. Онтон улаатан иһэн футбол секциятыгар көспүтүм. Футболлуу сылдьан эчэйэн, табаарыһым Копырин Айтал мас тардыһыы секциятыгар ыҥырбытыгар барбытым».

Ити курдук дьаныардаактык дьарыктанан түмүктэр көстөн испиттэрэ. Тренерэ Готовцев Иван Степанович Васяны күүстээхтик дьарыктаабытын түмүгэр Республика чемпионатыгар I миэстэни ылбыта. «Тренерим ирдэбиллээх, кытаанах, киһини өйдүүр, киһи кыаҕын билэн үлэлэтэр, туруоруммут сыалы ситиһэргэ үөрэтэр», - диэн Вася астына бэлиэтиир. Вася Казахстаҥҥа 80 киилэттэн үөһээ ыйааһыҥҥа, барыта 4 киһи буолан чемпион мира ааты ыларга күрэхтэстилэр. Бастакы утараһылааччытынан Амма улууһуттан сылдьар Нюргун Михайлов. Инники өттүгэр хардарыта кыайсаллар эбит, бу сырыыга Вася кыайбыт.

«Утумнаах дьарыгым күүстээх түмүгэ – аан дойду чемпиона буолуум, бу улахан чиэс, бочуот, ону тэҥэ эппиэтинэс. Бу күрэхтэһии кэнниттэн бэйэбэр эрэлим өссө күүһүрдэ,» - диэн Вася Вася Данилов бэйэтин этиитин түмүктүүр.

Вася Даниловка өссө үрдүк ситиһиилэри спортка, сөбүлүүр идэтин талан олоххо миэстэтин буларыгар баҕарабын.

Нарыйа Бубякина 8 «а» кылаас үөрэнээччитэ

Мүрү 1 №-дээх орто оскуолата.