Саха- Бельгийскай гимназия английскай тылын  учуутала  Заровняева Вера Михайловна  проегынан,  биһиги улууска эдэр английскай тыл учууталларыгар  2008 сылтан  «Первая звезда» конкурс республика ТЕСОЛ диэн английскай тыл  учууталларын ассоциацияларын көмөтүнэн ыытыллар. Конкурс бастакы кыайыылаахтарынан Илистярова А. А., Лебедкин А.Н., Лыткина Е.Н. буолбуттара. Конкурс эдэр учууталлары кеҕүлүүр, улэлэригэр көмөлөһөр, опыттарын атын дьоҥҥо тарҕатар сыаллаах  ыытыллар. Конкурс 4 түһүмэхтэн турар: уруогу ыытыы, олимпиада, нагляднай пособиены көмүскээһин уонна визитка. Сыл аайы конкурска кыттааһын элбээн иһэр. 2015 сылга конкурс Мэҥэ-Хаҥалас улууһун эдэр учууталлара  кыттыылаах Майаҕа 2№дэх оскуолаҕа  ыытыллыбыта. Конкурска американка Кэри Баскет кыттыыны ылбыта. Бу конкурска биһиги улууспутуттан Евсеева Е. В 1 миэстэни уонна «Бастыҥ английскай тыл учуутала» номинацияны ылбыта. 

Быйылгы конкурс республика таһымыгар таҕыста . Ол курдук ТЕСОЛ ассоциациятын  уонна улуус английскай тылын учууталларын көҕүлээһиннэринэн , Дьокуускай куорат 2№дээх оскуолатыгар ыытылынна. Барыта республика улуустарыттан, Дьокуускай куорат 31№, 2№ дээх оскуолаларыттан 16 кыттааччы күөн көрүстэ. Эдэр учууталлар бары да бэлэмнээх, кыайыыга дьулуурдаах буоллулар. Конкурс түмүгүнэн Үөһээ  Бүлүүттэн сылдьар  Ефремова Ульяна бары түһүмэххэ үчүгэй буолан, 1 м ылары ситистэ уонна «Бастыҥ английскай тыл учуутала»  номинацияны ылла ,2м Хаҥалас улууһун Хачыкаат оскуолатыттан сылдьар    Кузьмина  Марианна , онтон  куорат 2№дээх оскуолатын эдэр учуутала Павлова Ольга  3м ылла. Маны таһынан  «Бастыҥ  методическай разработка» номинацияны  Чурапчыттан сылдьар  Александрова Анастасия , «Лучшее произношение» номинацияны Тааттаттан  Винокурова Анна, «Лучший знаток грамматики»  номинацияны  куорат 2№ дээх оскуолаттан Тикушин  Руслан,»Знаток методики»  номинацияны  куорат 31№ дээх оскуолатыттан Короткова Анна ыллылар.

Биьиги улуустан Сыырдаахтан Бурцева Галина Владимировна уонна Муру 1№дээх оскуолатыттан Артамонова Анна Николаевна  кытыннылар.  Галина Владимировна «Бастыц уруок»  диэн номинацияга 1 м ылары ситистэ уонна «Надежда Якутии « диэн знагынан на5араадаланна. Онтон Анна Николаевна эмиэ бу номинацияга 2 м ылла уонна Уэрэх министерствотын Бочуотунай грамотатынан на5араадаланна. Онон  эдэр учууталлар улууспутугар английскай тыл кэскиллээ5ин бигэргэттилэр.

  Аммосова М., Муру 1№ дээх оскуолатын «Лингва» методическай холбоьук салайааччыта.