Бастыҥнар ааттаннылар

Муус устар 22 кунугэр улууспут биир саамай улахан Мүрү 1№дээх орто оскуолата үгэс буолбут үөрэх туйгуннарын уонна бастыҥнарын слетун ыытта. Оскуолаҕа быйылгы үөрэх дьылыгар 78 үөрэх туйгуна, 220 үөрэх бастыҥнара бааллар. КиэҺэ 5 чааска «Өркөн» культурнай киин заала толору оҕо-аймах саҥатынан туолла, оҕолорун кытта тэҥҥэ үөрбүт төрөппүттэр да элбэхтэр. Быйылгы слет темата күөх байҕал муора буолла, кылаастар күөх муора формалаахтар, муора эмблемалаахтар. Слету 7-8 кылаастар хордара оскуола гимнин ыллаан аста. Онтон штурвалга слет ыытааччылара Афанасьева В.Н, Сивцева А.П таҕыстылар. Кинилэр хараабыллар хапытааннарын-кылаас салайааччыларын сценага рапорга ыцырдылар. Дохсун ытыс тыаьынан 15 кылаас салайааччылара сценага тахсан биир-биир кылаастарыгар хас үөрэх бастыҥнара баалларын рапордаатылар. Үөрэх бастыҥнарын оскуола директора Бурнашев С.С ис сурэҕиттэн эҕэрдэлээтэ уонна өссө да ситиһиилэр кэлэ туруохтара диэн эрэнэрин биллэрдэ. Дьэ онтон слет саамай долгутуулаах чааьыгар киирдибит. Быйылгы үөрэххэ, спортка улахан ситиһиилээх оҕолору чиэстээһин буолла. Ол курдук «Оскуола бастыҥ уэрэнээччитэ» диэн номинацияны 11 “б” кылаас туйгун үөрэнээччитэ, элбэх олимпиадалар, НПК кыайыылаахтара Настя Алекссева ылла. Онтон «Оскуола бастыҥ активист үөрэнээччитэ» диэн номинация 11 “б” кылаас үөрэнээччитигэр, Кеша Олесовка ананна. «Сыл бастыҥ чинчийээччитэ” номинацияны быйыл Ярославль куоракка тиийэ баран, НПК-ҕа дипломант аатын ылбыт 10 «а” кылаас үөрэнээччитэ Уйгу Рожина уонна 8 “б” кылаас үөрэнээччитэ Соня Старостина ыллыллар. Мас тардыһыытыгар республикага улахан ситиһиилээх Вася Данилов, 10 “а” кылаас үөрэнээччитэ «Сыл бастыҥ спортсмена»» ааты ылыан ылла.

Бу кэннэ республикага предметнай олимпиадаларга ситиҺиилээх оҕолору чиэстээһин буолла. Ол курдук педагогикага Юля Гоголева(9б), Айыына Бурнашева (11б) Сардаана Оконешникова (9б) экологияга, Настя Алексеева (11б), Айта Сыроватская (10б), Вера Аммосова (10б), ОБЖ предметигэр Айгылаан Поисеев (9а), Полина Васильева (9а), Марина Павлова (9б), Джуниор скилс региональнай этабын призера Ваня Бурнашев (10б) ааттара дорҕоонноохтук ааттаннылар . Кинилэри үөрэтэр бастыҥ учууталлары Атласова О.А, Бурнашева Ф.Д, Андросов Н.С, Сивцев М.И эмиэ долгуйан туран эҕэрдэлээтилэр.

Слет биир уратытытынан, оскуола директорын үөрэх чааһыгар солбуйааччы Васильева В.Л уонна методическай холбоһук салайааччылара хас биирдии предмеккэ бу сылга бастыҥнары ааттааһыннара буолар. Ол курдук математикаҕа Абрам Калинискай 6 а (уч.Атласова Л.И), алгебрага Надя Неустроева 8 а (уч.Сивцева А.П), робототехникага Артем Протодьяконов 10 б (уч.Аммосов Н.В), черчениегэ Настя Петрова 9 б (уч.Сивцев М.И), технологияҕа Сардана Оконешникова 9 б, Ваня Бурнашев10 б (уч.Жиркова Л.Г,Сивцев М.И), музыкаҕа Юлия Сивцева 7 б (уч.Пермякова А.Г), нуучча тылыгар Ася Сивцева 9 а (уч. Матвеева О.Н), нуучча литературатыгар Сахаайа Оллонова 8 а (уч.Лазарева Н.И), английскай тылга Айта Федотова 8 а (уч.аммосова М.А), историяга Муся Бурнашева 11 а (уч.Никонов И.И), обществознаниега Дуня Птицына 11 а ( уч.Никонов И.И), правоҕа Анжелика Сивцева 8 а (уч. Мигалкин А.М), саха тылыгар Юлианна Лугинова 8 а (уч.Мигалкина Г.Е), саха литературатыгар Валерия Аммосова 10 а (уч. Аммосова В.И), географияҕа Валерия Пермякова 8б (уч. Гоголев А.А.), физкультураҕа Толя Лугинов 11 б (уч.Наумов Н.В.), биологияга Айта Сыроватская 10 б (уч.Бурнашева Ф.Д), химияҕа Настя Алексеева 11 б (уч.Румянцева К.А), экологияга Вера Аммосова 10 б (уч.Бурнашева Ф.Д), ОБЖ - га Айгылаан Поисеев 9 а (уч.Андросов Н.С), МХК Юлия Гоголева 9 б ( уч.Черкашина З.П), төрүт культура предметигэр Витя Александров 10 б (уч.Аргунова Л.В) оскуолабыт аатын араас таһымнаах олимпиадаларга , күрэхтэргэ, НПК - ларга ааттаттылар.

Слету «Энергия» уҥкуу ансамблын уҥкүүһүттэрэ, Кэнчээри ансамбль солиһа Анжелика Сивцева ырыата ордук киэргэттилэр. Буоларын курдук оскуолабыт слета үрдүк таһымҥа ааста.

М .Аммосова, Лингва МХ салайааччыта