Г.В.Егоров аатынан Мүрү 1 №-дээх орто оскуолатын 4 «б» кылааһын уолаттара  кылаас салайааччытын Н. Н. Портнягинаны кытта  Кэптэнигэ   сэтинньи 18 күнүгэр  III  улуустааҕы уолаттар ааҕыыларыгар  Николай Литвинцев хоһооннорунан "Мин сахабын" монтаж оҥорон  Гран - при буолбуттара.

   Бу хоһоонорунан салгыы сэтинньи 27 күнүгэр Дьокуускай куоракка “Зима начинается с Якутии” региональнай фестивальга ситиһиилээхтик кыттан, «Художественное слово” номинацияҕа  1 степеннээх лауреат аатын ылбыттара.

   Ахсынньы 7 күнүгэр учуонай, государственнай, политическай деятель А.П. Данилова төрөөбүтэ 100 сааһыгар аналлаах улуус тэрээһинигэр уолаттар А.П. Данилова олоҕун, үлэтин сырдатар монтаж оҥорон аахпыттара. Бу тэрээһиҥҥэ кэлбит дьоннор уолаттар хоһоону чуолкайдык, доргуччу, биир тэтиминэн ааҕалларын сөҕө-махтайа көрбүттэрэ.

Тэрээһиҥҥэ кэлэн кыттыыны ылбыт А.П.Данилова убайын уола Э.Ф.Данилов уолаттары хайҕаан, государственнай, политическай деятель А.П. Данилова төрөөбүтэ 100 сылыгар аналлаах республика общественноһын үөрүүлээх мунньаҕар монтажтарын ааҕалларыгар этии киллэрбитэ. Дьокуускай куоракка СР Правительствотын 2 №-дээх дьиэтин актовай саалатыгар ыытыллыбыт үөрүүлээх мунньахха уолаттар кыттаннар, дьон биһирэбилин ылан,  үөрэн-көтөн кэлбиттэрэ.