15:57
"Даниловскай ааҕыылар"

Олунньу 28 күнүгэр Мүрү 1 №-дээх орто оскуолатыгар Данилов Георгий Васильевич сырдык аатын, кини киэҥ өрүттээх педагогическай үлэтин, олоҕун сырдатар, көлүөнэ ыччакка тиэрдэр сыаллаах иккис төгүлүн өрөспүүбүлүкэтээҕи «Даниловскай ааҕыылар» сирэй уонна кэтэхтэн научнай – практическай кэнпириэнсийэ “Айылҕаны үөрэт, харыстаа!” девизтаах ыытылынна. “Экологическое образование – требование современности” диэн теманан барыта 16 сиэксийэ икки бөлөҕүнэн, үөрэнээччилэргэ, учууталларга, төрөппүттэргэ анаан үлэлээтэ. Барыта 275 киһи очна – заочнай күрэххэ кытынна, мантан - 11 улуус, 12 учуутал, 263 үөрэнээччи өрөспүүбүлүкэбит араас улуустарыттан кытыннылар. 

Данилов Георгий Васильевич Саха АССР оскуолаларын үтүөлээх учуутала, Саха АССР норуотун хаһаайыстыбатын үтүөлээх үлэһитэ, ССРС географическай обществотын дьиҥнээх чилиэнэ, 1948-55 сс. Мүрү орто оскуолатыгар биология, география учууталынан үлэлиир сылларыгар оройуоҥҥа бастакынан кыраайы үөрэтэр музейы, 2 теплицалаах пришкольнай учаастагы үлэлэппит, үөрэнээччилэр ортолоругар туризмы, тулалыыр айылҕаны үөрэтэр сыаллаах элбэх хонуктаах похуоттары тэрийбит үтүөкэннээх энтузиаст, билиҥҥинэн инноватор учуутал.

Даниловскай ааҕыылар бочуоттаах ыалдьыттарынан Г.В.Данилов төрөппүт кыргыттара: М.Г.Сафронов аатынан тыа хаһаайыстыбатын научнай-чинчийэр институтун ст.научнай сотруднига, тыа хаһаайыстыбатын наукаларын кандидата, СӨ тыатын хаһаайыстыбатын үтүөлээх үлэһитэ А.Г.Емельянова уонна пед.үлэ ветерана С.Г.Сыроватская буоллулар. Маны тэҥэ экспертнэй комиссияларга үлэлии ХИФУ чинчийээччи учуонайа, биологическай наука кандидата, өрөспүүбүлүкэ биир сүрүн эколога П.А.Гоголева, тыа хаһаайыстыбатын научнай-чинчийэр институтун научнай сотруднига, тыа хаһаайыстыбатын наукатын кандидата Е.И.Максимова кэлэн кыттыыны ыллылар

Экологическай үөрэхтээһиҥҥэ өр сыллаах айымньылаах үлэлэрин иһин 14 учуутал СӨ айылҕа харыстабылын министерствотын, Хотугулуу - Илиҥҥи федеральнай университетын, естественнай наука институтун, Мүрүтээҕи юннатскай ыстаансыйатын бочуотунай грамоталарынан уонна махтал суруктарынан бэлиэтэннилэр.

Даниловскай ааҕыы» - проект автордара Мүрүтээҕи эдэр натуралистар станцияларын директора Винокурова Людмила Константиновна уонна Мүрү 1 №-дээх орто оскуолатын биология учуутала Румянцева Ульяна Николаевна.

Категория: новости | Просмотров: 84 | Добавил: myry1 | Рейтинг: 0.0/0
Всего комментариев: 0
Имя *:
Email *:
Код *: