2016 сыл ахсынньы 15 күнүгэр Мүрү 1 №-дээх оскуолатыгар улуустааҕы  үөрэх эйгэтин эдэр специалистарын үһүс форума  ыытылынна.

Форум сыала  : активнай позициялаах эдэр үлэһиттэри түмүү, улэ опыт атастаһыы   

Форумҥа барыта 15 оскуола уонна 5  оҕону иитэр тэрилтэ, барыта 72 эдэр специалист кытынна.  

Эдэр учууталлар аһаҕас уруоктары ыыттылар: Бэйдиҥэ орто оскуолатын информатика  учуутала Г.С. Васильев “Алгоритмы” уруогун  8 “б” кылааска,  Степанова Я.В. “Нестандартные способы умножения” тема5а математика уруогун 8 “а” кылааска, ,Чараҥ орто оскуолатын омук тылын учуутала Костромина М.Н. 5 “а” кылааска “Мои любимы питомцы”,  Саха Бельгийскай гимназия математика уонна саха тылын предметтэрин учууталлара Пахомов М.С. уонна Готовцева Я.Ю. 5 “б” кылааска интегрированнай уруогу, Сыырдаах орто оскуолатын психолога Н.Е Антонова 8 “в” кылааска профориентация уруогун, Мүрү 1 №-дээх орто оскуолатын музыка учуутала Пермякова А.Г. 6 “а” кылааска музыка уруогун , Мүрү 2 № - дээх орто оскуолатын омук тылын учуутала Готовцева Л.Н. 5 “б” кылааска “Праздник рождества”, технология уруогун Сыырдаах орто оскуолатын учуутала Е.И. Ширяева 7 “б” кылааска ыыттылар. Уруоктар  интэриэһинэйдик,  уратытык аастылар, уруок тумугэр оҕолор элбэҕи биллилэр.

Эбиэттэн киэЬэ оскуола актовай саалатыгар форуму үөрүүлээхтик аһыы чааһа буолла, эдэр специалистары улуустааҕы үөрэх управлениетын начальнигын солбуйааччы  Т.А. Григорьев, куратор  М. М. Петухова, улуустаа5ы профком бэрэссэдээтэлэ А.А. Попова, эҕэрдэлээтилэр. Сыл түмүгүнэн бастыҥ үлэлээх   специалистарга махтал суруктары, почетнай грамоталары туттардылар. Форуму талааннаах эдэр үлэһиттэр ырыанан киэргэтиллэр.

Салгыы аһаҕас микрофон үлэлээтэ.  Эдэр дьон бэйэлэрин кыһалҕаларын, былааннарын туһунан салалтаны кытта аһаҕастык кэпсэттилэр.

Бу форумтан эдэр специалистар элбэҕи билэн-керен бардылар.