Ыам ыйын 17 күнүгэр экология сылынан ньургуһун күнүгэр сөп түбэһиннэрэн “Уһулуччу талааннаах о5олор” интеллектуальнай марафон проект чэрчитинэн “Айылҕа эдэр доҕотторо” бастакы улуустар икки ардыларынааҕы чемпионат П.А. Ойуунускай аатынан Чөркөөх орто оскуолата, Уус – Алдан улууһун Г.В. Егоров аатынан Мүрү 1 №-дээх орто оскуолата кыттыылаах Чөркөөх сэлиэнньэтигэр ыытылынна. Чемпионакка 5 – 8 кылаастартан 32 оҕо, 8 хамаанда кытынна. Оскуола оҕолоро ситиһиилээхтик кыттан үс бастакы миэстэлэри маннык үллэһиннилэр : 1 м. – 6 кыл. (204 б.), 2 м. – 5 кыл. (190.5 б.), 3 м. – 8 кыл. (87 б.) (сал. Румянцева У.Н. биология учуутала). Хамаанданан бастаан көһө сылдьар кубогы илдьэ кэллилэр.

10“б” кылаас үөрэнээччилэрэ (кылаас салайааччыта Жиркова Л.Г,) экология сылынан бөһүөлэкпит ыраас буоларын туһугар, биир санаанан Радиотумул түөлбэ спортивнай площадкатыгар суббуотунньуктаатылар. Хас биирдии киһи бөҕү ыраастаатаҕына, олорор сирин киртиппэтэҕинэ түөлбэбит, бөһүөлэкпит, улууспут, Республикабыт, дойдубут ыраас буолуо дииллэр 10 «б” кылаас үөрэнээччилэрэ.

Ыам ыйын 17 күнүгэр «Юный друг полиции» улуустааҕы күрэххэ Мүрү 1№ - дээх орто оскуолатын хамаандата (сал. Андросов Н.С.) 2 м. ылары ситистэ.

Ыам ыйын 17-18 күннэригэр сылын аайы буолар улуустааҕы “Тирии мээчик” футболга күрэхтэһиитэ ыытылынна. Күрэхтэһии саастарынан икки группаҕа арахсан тэрилиннэ. Бастакы группаҕа 2003-2004 с.т. уолаттарга барыта 5 хамаанда оонньоото, сытыы киирсии кэннэ 1 м. «Уолан” гимназия, 2 м. Бэйдиҥэ орто оскуолата, 3 м. Мүрү 1 №- дээх орто оскуолата ыллылар. Иккис группаҕа 2005-2006 с.т. уолаттарга 4 хамаанда оонньоото, тыҥааһыннаах киирсии кэнннэ миэстэлэр маннык буоллулар: 1 м. Сыырдаах орто оскуолата, 2 м. Мүрү 1 №-дээх орто оскуолата, 3 м. Бэйдиҥэ орто оскуолата. Кыайбыт хамаандалартан о5олору сүүмэрдээн бу ыам ыйын 31 күнүттэн бэс ыйын 3 күнүгэр диэри республиканскатаа5ы “Тирии мээчик” күрэҕэр улууспут чиэһин көмүскүү барыахтара.

Ыам ыйын 19 күнүгэр биһиги оскуолабытыгар «фаст – фуд доруобуйаҕа буортута” акция ыытылынна. Сухова Мичийэ 3 кылаас үөрэнээччитэ, “Здоровейка” куруһуок иитиллээччитэ (сал. Жиркова А.Ф.) фаст – фуд, чипса, газировка уо.д.а. канцерогеннаах доруобуйаҕа буортулаах астар туһунан оскуола үөрэнээччилэригэр кэпсээтэ. 3 кылаас оҕолоро бэйэлэрэ астаабыт чипсыларынан үөрэнээччилэри күндүлээтилэр. Сухова Мийичэ оҥорбут иһитиннэриитин истэн баран хас биирдии оҕо фаст – фуд сиэн иннинэ толкуйданыа диэн эрэнэбит. Чипсы оҕо доруобуйатыгар буортутун туһунан, чипсыны бэйэн оҥоруоххун сөбүн туһунан видеоролик көрдөрүлүннэ.