14.03.18 с. Мүрү 1 нүөмэрдээх орто оскуолатыгар СӨ тас сибээстэһиилэргэ миниистиринэн, сахалартан бастакынан тас дойдуга Монголияҕа РФ ген.консулунан үлэлээбит Мигалкин Александр Васильевич төрөөбүтэ 60 сылыгар аналлаах бастакы улуустааҕы "Эдэр дипломат" куонкурус үрдүк таһымнаахтык ыытылынна. Ыалдьыттарынан А.В.Мигалкин бииргэ төрөөбүттэрэ Зоя Васильевна, Иван Васильевич, Афанасий Васильевич, Мария Васильевна Мигалкиннар, РФ МИД представителэ Дьяконов Н.В., СӨ тас сибээстэһиилэргэ министерствотын үлэһиттэрэ Степанова Д.А., Никифорова А.Г., улуус урукку баһылыга Черноградскай В.Н., А.В.Мигалкин кэргэнэ  Мигалкина Н.И., төрөппүт уола, үөрэх, наука министерствотын миниистирин солбуйааччы Мигалкин В.А., биир кылааска үөрэнэн оскуоланы кыһыл көмүс мэтээлинэн бүтэрбит, мед.наука.доктора Самсонова М.И., улуус баһылыга Федотов А.В. уо.д.а. кыттыыны ыллылар. Түөрт этаптаах куонкурус түмүгүнэн абсолютнай кыайыылааҕынан Дүпсүн орто оскуолатын 10 кыл.үөрэнээччитэ Румянцев Дима буолла. Иккис миэстэ - Павлов Дьулус, 9 кыл., МСОШ-1, үһүс миэстэ - Бочкарев Айсен, 8 кыл., МЮГ.