Муус устар 2-3 күннэригэр Дьокуускай куоракка IV-с Республиканскай “РобОТС” (Роботы Оҥор, Таҥ, Салай) диэн робототехническай фестиваль буолла. Фестивалы  тэрийдэ СВФУ Кыра компьютернай академията, Саха сирин үөрэҕириитин министиэрстибэтэ, кыттыыны ылла Smart Education хампаанньа.

РобОТС – 2016 робототехническэй фестиваль күрэхтэһиилэрэ аан дойду уонна российскай курэхтэһиилэр регламеннарынан ыытылынна.

Күрэхтэһии  17 араас көрүҥэр 15 улуустан уонна Дьокуускай куораттан 400-тэн тахса оҕо кыттыыны ылла.

Биһиги оскуолабыт оҕолоро бу улахан күрэхтэһиигэ 11 роботынан кытыннылар. Ол курдук кыра кылаас оҕолоругар аналлаах “Умная вертушка” күрэххэ Портнягина Наталья Николаевна салайааччылаах Рожин Ганя, Посельскай Алик  “Дьулуур – 1” хамаандалара 1 миэстэни, Александров Владик, Саввинов Айсиэн “Дьулуур – 2” хамаандалара 2 – с миэстэни ылан үөртүлэр. Орто саастаах оҕолорго Аммосов Николай Васильевич салайааччылаах Бочкарев Эдик (6 кылаас) “Центурион” команда “Лабиринт” диэн күрэххэ 3-с миэстэни ылла.

Улахан оҕолорго көрүҥ аайы 50 – 100 - түү робот кыттар буолан күрэхтэһии олус тыҥааһыннаах буолла. Ол курдук “Сумо” көрүҥҥэ “Центурион – 1” командабыт 6 иһигэр киирдэ.

Улуустан Мүрү уолаттар гимназияларын оҕолоро Бурцев Александр, Корякин Айсен “Лабиринт” күрэххэ 1-кы, Ионов Айсен, Горохов Александр 2-с миэстэлэри ыллылар. Салайааччы Андреев Игорь Николаевич.

Бэйдиҥэ орто оскуолатын 9-с кылааһын үөрэнээччитэ Аржаков Уйусхан “Халбас харата” курэххэ 3-с миэстэ буолла. Салайааччы Васильев Гаврил Серафимович.

Фестиваль үрдүк таһымҥа барда.