Күлүмнүүрү  үйэтитии

            Россия империятыгар Романовтар династиялара ыраахтааҕылаабыта 300 сылын үөрүүлээхтик бэлиэтээһиҥҥэ Санкт – Петербург куоракка 1913 сылаахха тиийэ сылдьан, «Бродячая собака» арт – кулуубка Күлүүмнүүр бэйэтэ суруйбут “Манчаары” пьесатын нууччалыы аа5ан, мустубут публикаҕа билиһиннэрэн турар. В.В. Никифоров – Күлүмнүүр төрөөбүтэ 150 сылынан сэтиньигэ Ил Түмэн председателя А.Н. Жирков салайан илдьэ сылдьыбыт Саха Республикатын делегациятын састаабыгар киирэн улууспутуттан 7 киһи Күлүмнүүр портрета ити кафеҕа ыйаныытын сиэригэр – туомугар кыттыыны ылбыттара. Делегацияҕа киирэн тэрээһиҥҥэ кыттыыны ылбыт улуустааҕы киин библиотека кыраайы үөрэтэр салаатын сэбиэдиссэйэ Павлова О.Н. Егоров Г.В. аатынан Мүрү 1 № - дээх орто оскуолатын 7 “б” кылааһын үөрэнээчилэригэр ыалдьыттаата. Ону тэҥэ эбии үөрэхтээһин киинин педагогтара А.А. Карамзин, А.П. Лыткин, Дьокуускайдааҕы культура уонна искусство колледжын 7 студеннара кыттыыны ыллылар. Павлова О.Н. медиапрезинтация нөҥүө оҕолорго Санкт – Петербурга сырыытын туһунан кэпсээтэ. “Бродячая собака”  арт – кафеҕа нуучча биллиилээх айар дьоно : Анна Ахматова, Николай Гумилев, Владимир Маяковскай, Владимир Немирович – Данченко, Осип Мандельштам о.д.а. сэргэ В.В. Никифоров – Күлүмнүүр портрета миэстэтин буллан, умнуллубат өйдөбүл буолан бар дьон билиитигэр турда. Кылаас чааһыгар эбии үөрэхтээһин А.А. Карамзин Күлүмнүүр Манчаары пьесатыттан быһа тардан ааҕан иһитиннэрдэ. Студеннар Александр Захаров, Сайаана Николаева, Роман Макаров, Саргылана Горохова, Дьулус Иванов, Александр Иванов колледж туһунан кэпсээтилэр, талааннарын көрдөрдүлэр. Оҕолор ордук Нерюнгри куораттан сылдьар Роман Макаров нуучча уола сахалыы доргуччу, иҥнибэккэ хоһоон ааҕарын, ыллыырын сэргээн иһиттилэр. Бүлүү кыыһа, сүрдээх хомоҕой тыллаах өстөөх Сайаана Николаева былырыыҥҥы  үөрэх сылыгар бэйэтэ режиссердаан В.В. Никифоров – Күлүмнүүр “Манчаары” пьесатын студеннарга туруорбут. Түмүккэ кылаас оҕолоро Күлүмнүүргэ аналлаах ырыаны күргүөмүнэн ыллаан иһитиннэрдилэр. Күлүмнүүр аата кэнчээри ыччакка ахтылла турарыгар эрэллээх тарҕастыбыт.

Е.Н Сыроватская Мүрү 1 №-дээх орто оскуолатын музейын үлэһитэ