Биһиги оскуола тэрийиитинэн “Победа” диэн байыаннай-спортивнай күрэхтэһии ыытылынна.  Мүрү 2 № –дээх орто оскуолатын “Тускул”, Мүрүтээҕи “Уолан” гимназия “Звезда” уонна биһиги оскуола “Мүрү” хамаандата  күөн көрүстүлэр. Хаамыыны көрүүгэ “Тускуллары” кытта тэҥнэһэн хаалбыппыт, ону хаамыы хаачыстыбатын көрөннөр, биһиги бастаабыппыт. Историяны билиигэ 3-с, автоматы ыһыыга, хомуйууга 2-с, уопсай физическэй бэлэмҥэ 1 миэстэни ылаттаатыбыт.Соҕотохтуу хаамыыга миэстэлэстим. Уонна автоматы бытааннык хомуйбутум, онтукам бириэмэтэ 22,41 сөкүүндэ буолан бастакы миэстэни ылан үөрдүм.

    Онтон Суоттуга барыта 5 хамаанда күрэхтэстэ. Иккис күрэхтэһиибит буолан, улаханнык долгуйбатахпыт. Барытын сөпкө холкутук оҥортообуппут. Уопсай түмүккэ 3-с миэстэ буолбуппут.

    Сотору “Снежный барс” буолар, онно кыһанан бэлэмнэнэ сылдьабыт.

    Түгэнинэн туһанан кулууппут салайааччытын, убаастыыр учууталбытын Николай Семенович Андросовы республика Ил Дарханын Бочуотунай грамотатын ылбытынан киэн туттан туран эҕэрдэлиибит. Туйгун доруобуйаны, үлэтигэр өссө үрдүк ситиһиилэри баҕарабыт!

Мүрү  1№ –дээх орто оскуолатын 8 б кылааһын

 үөрэнээччитэ Пермякова Дайаана,

“Мүрү” байыаннай-патриотическай кулууп чилиэнэ.

Олунньу 24 күнэ, 2016 сыл.