Кулун тутар 20-23 күннэригэр Мэҥэ – Хаҥалас улууһун Төҥүлү сэлиэнньэтигэр үөрэнээччилэр ортолоругар XVIII республикатааҕы байыаннай патриотическай күрэхтэһии Советскай Союз Геройун Николай Саввич Степанов 95 – сааһыгар ананан ыытылынна. Күрэхтэһиигэ барыта республика араас уһугуттан 18 хамаанда кэлэн күрэхтэстилэр. Улууспут чиэһин Г.В. Егоров аатынан Мүрү 1 нүөмэрдээх орто оскуолатын «Мүрү» байыаннай – патриотическай кулууба салайааччы Н.С. Андросов, командир Поисеев Айгылаан көмүскээтэ. Барыта 10 түһүмэҕинэн күрэхтэстилэр. Биһиги оҕолорбут күүстээх утарсааччыларын Мэҥэ –Хаҥалас улууһун Баатара орто оскуолатын кадеттар хамаандаларын кытта күрэхтэһии саҕаланыаҕыттан бүтүөр дылы инники күөҥҥэ сырыттылар. Уопсай түмүккэ 2 очконан хаалан, бочуоттаах иккис миэстэ буоллулар, Хамаанда чилиэнэ оскуола 7 "б" кылааһын үөрэнээччитэ Прудецкая Вика ытыыга республика чемпиона буолла уонна Советскай Союз Геройа Николай Саввич Степанов оҕолоро уонна сиэннэрэ туруорбут именной пневматическай винтовканан наҕараадаланна. Республикаҕа инниики миэстэттэн түспэккэ сылдьар "Мүрү" БПК оҕолоро билиилэрин, дьоҕурдарын, кыахтарын өссө төгүл дакаастаан кэллилэр.