Мүрү 1№-дээх орто оскуолатыгар физико – математическай хайысхалаах үөрэхтээһин тэриллибитэ 50 сылыгар аналлаах, физика, математика учууталларын форума

Кулун тутар 10 күнүгэр Мүрү 1 №-дээх орто оскуолатыгар улуустааҕы физика, математика учууталларыгар форум ыытылынна. Форуму 9 “б” кылаас уолаттара “Учууталбар” диэн монтаж аа5ан арыйдылар. Үөрүүлээх тугэни үөрэх управлениетын үлэһитэ Готовцев П.П. арыйда, физмат кылаастарга үөрэммит, үлэлээбит ыалдьыттары эҕэрдэлээтэ. Ол кэнниттэн Готовцева Розалия Романовна, Лукачевская Ольга Николаевна, Данилов Иван Николаевич, Мигалкина Анастасия Гаврильевна, Кривошапнкин Иннокентий Иннокентьевич, Тимофеева Саргылана Ивановна, Амммосов Николай Васильевич сыанаҕа дохсун ытыс тыаһынан ынырыллан таҕыстылар. Салгыы тыл бэрилиннэ оскуола директорыгар Бурнашев С.С., физмат кылаас историятын уонна билиҥҥи оскуола үлэтин сырдатта, кэлбит ыалдьыттары эҕэрдэлээтэ. Бурцев Константин Афанасьевич салайаачылаах 1968 сыллаах бастакы физмат кылаас ус выпускник кыргыттара Готовцева Розалия Романовна, Аржакова Елизавета Николаевна, Тарская Людмила Семеновна кэлбиттэр. Математика, физика, информатика, технология, музыка учууталларын “Спектр” методическай холбоһук дириҥ ис хоһоонноох монтажтарын сэргээн иһиттибит. Бу улуустааҕы Форуму Мүрү 1№-дээх оскуола ырыаһыт оҕолоро киэргэттилэр.

Былаан быһыытынан, улуус оскуолаларын учууталлара интириэһинэй аһаҕас уруоктары, маастар кылаастары ыыттылар, кэлбит ыалдьыттар аһаҕас кылаас чаастарыгар кытыннылар.

“Ахтан- санаан ааһыа5ын үөрэммит- үлэлээбит сылларбытын” төгүрүк остуол тула итии чэйдээх аһаҕас кэпсэтии буолла. Манна хас биирдии ыҥырыллыбыт ыалдьыт бэйэтин үлэлээбит, үөрэммит кэмнэрин ахтан – санаан ааста.

Күн иккис аҥарыгар «Өркөн” оҕо эбии уерэхтээьинин киинигэр “Учууталга махтал” үөрүүлээх чааһа улуус үөрэҕин управлениетын начальнига Тарская И.М. арыйда, улууска бастакы физмат кылаастар учууталларын ахтан –санаан ааста. Салгыы тыл бэрилиннэ улуус баһылыгын маҥнайгы солбуйааччытыгар Борисов М.В. –ка. Кинилэр улуус оскуолаларын үлэтин, хайысхатын кэпсээтилэр, форум кыттыылаахтарын эҕэрдэлээтилэр.

Бастакы физмат хайысханы Уус – Алдан улууһугар Мүрү 1№- дээх орто оскуолатыгар тэрийбит директор Данилов Иван Николаевич долгуйан туран оччотооҕу кэми саас сааһынан кэпсээбитин интэриэһиргээн иһиттилэр.

Мүрү 1 №-дээх орто оскуолатыгар физико – математическай хайысха 50 сылынан Готовцева Розалия Романовна 1977 -1988 с.с. математика учуутала, СӨ Үтүөлээх үлэһитэ, ОО РФ бочуоттаах үлэһитэ, Аан дойду норуоттарын икки ардынааҕы оҕо фондатын Саха Азия оҕолорун степиндиат учуутала, Россия туйгун учууталларын күрэх кыайыылааҕа, РФ Президенын Гранын, СӨ “Гражданскай доблесть” бэлиэтин, Учуутал “Албан аатын” үрүн көмүс бэлиэтин хаһаайына, бэйэтин анал стипендиятын 8 “а” кылаас үөрэнээччитигэр Неустроева Надяҕа туттарда.

сыл устата физико – математическай кылаас үүнэригэр сайдарыгар олук уурбут учууталлары, үөрэнээчилэри ахтан – санаан аастылар. Форум кыттыылаахтара саҥа санаалары, толкуйдары иҥэринэн, салгыы өссө өрө көтөҕүллүүлээхтик айа – тута тарҕастылар.