Ыам ыйын 18 күнэ - Аан дойдутааҕы музей күнэ. Бу күн оскуола үбүлүөйдээх бэлиэ дааталарыгар «Оскуола музейыгар - 145 бэлэх” акция музей көҕүлээһининэн ыытылынна.

Бастакынан бу акцияҕа 2 «в» кылаас үөрэнээччилэрэ (кыл.сал. Парникова Е.С.) кыттыыны ыллылар. Васильева Диана пионер хаалтыһын уонна значогун, Константинова Дайаана үөрэнээччи суумкатын, значоктары, алтан чуорааны, Парникова Е.С. кыыс оҕо параднай школьнай форматын бэлэхтээтилэр. Өр сылларга биһиги оскуолабытыгар омук тылын учууталынан үлэлээбит педагогическай үлэ бэтэрээнэ Местникова Надежда Алексеевна бэйэтин коллекциятыттан сүҥкэн бэлэҕи оҥордо: саҥа школьнай ырбаахы, фартук, үөрэнээччи рюкзак - суумка, оскуола 125 сылынан значоктар, оскуола 140 сылынан ручка, диапроектор, диафильм уо.д.а. Музей үлэтигэр куруук ахтыыбынайдык кыттар 4 б кылаас үөрэнээччитэ Данилова Сайыына педагогическай үлэ бэтэрээннэрин Данилов И.Н., Курилкина М.В. дьиэтээҕи коллекцияларыттан пионерскай горнаны бэлэхтээтэ. Бу кылаас салайааччыта Портнягина Н.Н. быйыл кыһын Казахстан Астана куоратыгар бара сылдьан куорат биир интеллектуальнай оскуолатын оҕолорун туойтан оҥоһуктарын бэлэх ууммуттарын музейга туттарда. Ону тэҥэ 2013 сылга үөрэнээччилэрин өйтөн суруйууларын хомуурунньук оҥорон таһаартарбытын бэлэхтээтэ.

Музейга араас кэмҥэ үлэлээбит, музей тэриллиитигэр үлэлэспит оскуолабыт ветераннара көрсөн, ааспыты санаһан ыллылар уонна «Оскуола музейыгар - 145 бэлэх” акцияҕа кыттыһан бэлэхтэрин туттардылар.