Үгэс курдук ыытыллар “Окно в науку” тэрээһиҥҥэ биһиги оскуолабыт үөрэнээччилэрэ ситиһиилээхтик кытыннылар. Манна оҕолору салайан үлэлэппит, алын уонна орто сүһүөх кылаастар үөрэнээччилэрин наука умсулҕаннаах аартыгар сиэтэн киллэрэр дьулуурдаах учууталлары бэлиэтиэххэ наада. Ол курдук Портнягина Н.Н. 2-с кылаастан саҕалаан                  Егоров Коляҕа “Ааллаах Үүн уонна Моой Үрэх” айанньыттара диэн тиэмэҕэ суруйтарбыт үлэтэ быйыл (үөрэнээччи номнуо сэттис кылаас) лауреат үрдүк аатын ылла. Научнай үлэ сындалҕана, умсулҕана диэн бу буоллаҕа. Өссө кинигэ тахсарыгар дьэ бэлэм буолла диэн салайааччы астына бэлиэтиир. Маны таһынан Наталия Николаевна үөрэнээччилэрэ Горохова Юля лауреат, Слепцов Николка 2 миэстэ, Протодьяконова Дарыйаана 3 миэстэ буоллулар. Пермякова В.А. бэлэмнээбит 8 үөрэнээччититтэн 7-тэ бириистээх миэстэ ылан учууталларын үөртүлэр-көтүттүлэр. Бу ситиһии элбэх түбүктэн, сыраттан тахсарын киһи өйдүүр. Эдэр кэскиллээх учуутал Атласова Е.И. уһуйар икки үөрэнээччитэ, билигин бэһис кылаастар, лауреат үрдүк аатын сүктүлэр.

4а кылаас үөрэнээччитэ Заровняев Айаал - 1 степеннээх диплом (уч.Ноговицына Е.Г.), 4б Орлова Юлиана - 3 миэстэ (уч.Бурнашева С.С.), 3“а” Власьева Настя - 4 степеннээх диплом (салайааччы Румянцева У.Н.), “Здоровье и ЗОЖ” секцияҕа Заболоцкай Аян 2 миэстэ, Жирков Долун 3 миэстэ, Копырин Уран  4 миэстэ (салайааччы Жиркова А.Ф.), 7а Калачева Мичийэ - 3 степеннээх диплом, 7б Алексеева Марианна –3 степеннээх диплом (салайааччы Бурнашева Ф.Д.), 7б Лазарева Юля-2 степеннээх  диплом ыллылар.