Олох биир быстыспат ситимэ күлүү- үөрүү буолар. Этэргэ дылы, үөрэ-көтө көрү-нары тута сылдьар үөрүнньэҥ  киһи үйэтэ уһун буолар диэн баар, бу мээнэҕэ этиллибэтэх буолуохтаах. Учуонайдар быһаарбыттарынан, уонча араас научнай кэтээн көрөөһүн баар эбит. Онно үксүн маннык суруллар: элбэхтэ ис дууһатыттан күлэр киһи стресс диэҥҥэ ылларбат, эбэтэр стресстан босхолонор; дьону кытта уопсай тылы түргэнник булар; агрессия диэн тылы тосту умнар, үйэтэ биллэрдик ууһуур.

       Билиэх тустааххын:

       Бастатан туран, киһи куллэҕинэ этэ-сиинэ чэпчиир. Иккиһинэн,  5 мүнүүтэ тохтоло суох күлүү 40 мүнүүтэ сынньалаҥ кэриэтэ буолар. Үсүһүнэн, киһиэхэ эндорфин диэн гормон баар, бу гормон аҥаардас үөрүүнү, дьолу эрэ үөскэппэт,  кини ыарыыны намыратар, суох да оҥорор кыахтаах. Ону таһынан, дуоһуйа күлэр киһи  сүрэҕэ,  преһэ, сарына, түөһэ, диафрагмата, 80-ча былчына туһалаахтык үлэлиир.

       Мантан сиэттэрэн көрдөххө, үөрүү-көтүү  суолтата киһи олоҕор улахан оруолу оонньуур эбит. Билиҥҥи кэмҥэ, биһиги дьолбутугар, күөх экран нөҥүө көрү-нары кеҕүлүүр араас бэрэдээчэлэр дэлэйдэр. Олортон биирдэстэрэ КВН буолар  («Клуб Веселых и Находчивых»).  КВН билигин сайдан турар кэмэ, хас куорат, округ, улуус, дэриэбинэ аайы буолар. Ол чэрчитинэн, биһиги Уус-Алдаммыт  киинигэр бу оонньуу көхтөөхтүк ыытылынна.

      Алтынньыга улуустааҕы оскуола оҕолорун хамаандаларын икки ардыгар КВН курэҕэ буолан ааста. Бу тэрээһин Улуустааҕы  оҕону эбии үөрэхтээһин киинигэр буолла. Үөрүүлээх аһыллыы кэнниттэн долгутуулаах I туһумэх «Визитка» саҕаланна. II туһумэх  «Музыкальнай дьиэтээҕи сорудах» - «Аныгы оскуола олоҕуттан… » диэн. III туһумэххэ биатлон курэҕин туһунан «Уран тыл маастардарын» күөн керсүһүүтэ. Тиһэх  IV туһумэх «СТЕМ», тиэмэтэ «Киинэтэ устуохха».  Жюри түмүк таһаарар кэмигэр күрэххэ кэлбит хамаандалар концерт көрдөрдүлэр. Уопсайа 12 хамаанда кэлэн кыттыыны ылла. Сүрдээх талааннаах оҕолор кэлэн  көрү-нары өрө туттулар, сэргэхситтилэр. Биһи оскуолабыт хамаандата 5 миэстэҕэ тигистэ. Өссө да харса суох туохтан да толлубакка,  инникитин бигэ эрэллээхтик кыттан үрдүк чыпчаалга тиийэллэригэр баҕарабыт!