Бу дьыл Ахсынньы 8 күнүгэр Дьокуускай куоракка Республиканскай гражданско-патриотическай форум иһинэн, Саха Республикатыгар Ыччат сылыгар аналлаах патриотическай иитиигэ "Отчизну посвятим" республикатааҕы научно-практическай конференция буолан ааста.
Конференция инновационнай уонна эффективнай формаларынан республика үөрэнээччилэригэр патриотизмы иитиини сайыннарар сыаллаах Саха Республикатын Үөрэх уонна наука Министерствотын , Ыччат уонна Дьиэ-кэргэн политикатын Министерствотын, «Юные якутяне» республиканскай ресурснай центр, «Российское движение школьников» республиканскай организация, «Якутская кадетская школа-интернат» үөрэх тэрилтэтэ, «Всероссийское педагогическое собрание» республиканскай организация көҕүлээһиннэринэн ыытылынна.
Орто оскуолалар үөрэнээччилэрэ, профессиональнай үөрэх тэрилтэлэрин студеннара, военно-патриотическай кулууптар салайааччылара, ОБЖ, ОВС учууталлара уонна да атын специалистар кыттыыны ыллылар.
Уопсайа республика араас муннуктарыттан Сунтаар, Горнай, Хаҥалас, Мэҥэ-Хаҥалас, Нам, Уус-Алдан, куорат оскуолаларыттан, Дьокуускайдааҕы педколледжтан 114 кыттааччы кэлэн 3 хайысханан үлэлээтилэр.
1. Военно-патриотическай хайысха;
2. Гражданскай көҕүлээһин;
3. Аныгы үөрэх систематыгар патриотическай иитии.
Биһиги оскуолаттан Бурцева Варвара Николаевна, 9"в" кылаас салайааччыта, омук тылын учуутала салайааччылаах 9 "в" кылаас үөрэнээччитэ Павлова Сахаайа үлэлии сылдьар (Ховрова Фросялыын) оскуолабыт, Мүрү 1№-дээх орто оскуолата, төрүттэммитэ 145, Г.В.Егоров аата иҥэриллибитэ 70 сылыгар аналлаах "Г.В.Егоров - Гражданскай сэрии Геройа, Кыһыл Знамя орден кавалера, "Культармеец" электроннай хомуурунньуктарынан "Гражданскай көҕүлээһин" секцияҕа уопсайа 35 үлэ баарыттан ситиһиилээхтик кыттан 5 миэстэ буолла. Поощрительнай миэстэҕэ тигистэ. Заявка икки оҕонон барбытынан иккиэннэригэр кыттааччы сертификатын, анал уруучука, блокнот, "Электроннай книга-ридер" бэлэхтээтилэр.
Хас секция аайы Лауреат, Диплом 1,2,3 степени, 2 поощрительнай миэстэлэр бааллар.
Ону таһынан эбиэт кэнниттэн кыттааччылар 5 киһилээх творческай группа тэринэн Россияҕа 2018 с. "Доброволец сыла" биллэриллибитинэн тутатына проект оҥорон көмүскээтилэр. Сахаайа куорат 36 №-дээх  оскуолала үөрэнээччилэрин кытары "Добро с театром" проектарын көмүскээтилэр.