Ыам ыйын 19 күнэ аҕа көлүөнэҕэ пионерия күнүнэн биллэр. Быйыл пионерия төрүттэммитэ 95 сыла, бу бэлиэ даатаҕа музей үлэһитэ Сыроватская Е.Н. музейга 5-7 кылаас оҕолоругар араас сылларга “Артек”, “Океан” лааҕырдарга сынньаммыт оҕолору кытта көрсүһүү тэрийдэ.

Ыалдьыттарынан буоллулар : Матвеева Г.П., эбии үөрэхтээһин киинин методиһа (Артек, 1984 с.), Иванов Афоня 9 кылаас үөрэнээччитэ, гимназия президенэ (Океан, 2016 с.), Готовцева Лилияна 6 “а” кылаас үөрэнээччитэ (Артек 2016 с.).

Ыалдьыттар лааҕырга сынньаммыттарын туһунан кэпсээтилэр, Г.П. Матвеева артековскай ырыалары ыллаата, оҕолорго оонньуу ыытта. Маны тэҥэ оскуола активын кыргыттара Пионерия күнүнэн эҕэрдэлэрин тиэртилэр, оҕолорго оонньуу тэрийдилэр. “Марш юных пионеров” ырыанан көрсүһүү түмүктэннэ.