Главная » 2019 » Сентябрь » 2 » Советскай Союз Геройа Владимир Денисович Лонгинов төрөөбүтэ 100 сыла
10:40
Советскай Союз Геройа Владимир Денисович Лонгинов төрөөбүтэ 100 сыла
Бүгүн Советскай Союз Геройа Владимир Денисович Лонгинов төрөөбүтэ 100 сылын туолла.
Бу бэлиэ куццэ анаан Геройдар аллеяларыгар ыытыллыбыт уеруулээх тэрээьиццэ оскуола уерэнээччилэрэ, «Муру» байыаннай патриотическай кулууп, учууталлар кыттыыны ыллылар. Ону тэцэ Кыайыы уруогар Елена Николаевна Сыроватская, уруккута Дүпсүн орто оскуолатын Лонгинов аатынан пионерскай дружинатын сэбиэтин председателэ кини хорсун быьыытын туьунан кэпсээнин сэргии иьиттилэр. Владимир Денисович Лонгинов Дионисий Евстафьевич уонна Сусанна Петровна (Нифонтова) Лонгиновтар дьиэ кэргэннэригэр Байаҕантай улууһун Тандатыгар 1919 сыл балаҕан ыйын 2 күнүгэр төрөөбүтэ. Сорох докумуоннарга толоруллубутунан Горнай улууһун Бэс Күөлүгэр төрөөбүтэ диэн. Билигин Атамай орто оскуолата Лонгинов аатын сүгэр. Лонгинов эһэтэ Евстафий Алексеевич Лонгинов Дүпсүн улууһун Дүөндү таҥара дьиэтигэр псаломщик этэ. Кини 1862 с. 4 саха уолун нууччалыы ааҕарга, суруйарга, ахсаан суоттуурга үөрэппитэ. Ити 1862 сыл Дүпсүн орто оскуолатын төрүттэммит сылынан историяҕа киирбитэ. Владимир Лонгинов кыра оҕо сааһа Тандаҕа, Бээрийэҕэ ааспыта. Алын кылаастарга Бээрийэҕэ үөрэммитэ. Оскуоланы куоракка бүтэрбитэ. 1941 с. бастакы хомуурга сэриигэ барбыта. 1943 с. балаҕан ыйын 25 күнэ. Украина, Канев куорат туһаайыыта. Днепр өрүһү Лонгинов пулеметнай расчёта биир бастакынан туораабыта, ити кыргыһыыга Лонгинов 80 немец халабырдьыттарын суоһарбыта. Хорсун быһыытын иһин комсомолец сержант, пулеметнай расчет хамандыыра В.Д. Лонгиновка алтынньы 25 күнүнээҕи ыйааҕынан Советскай Союз Геройун аата иҥэриллибитэ. Ити кэнниттэн ый да буолбакка, 1943 с. сэтинньи 18 күнүгэр Канев оройуонун Пшеничники дэриэбинэтин босхолооһуҥҥа Герой Лонгинов өлбүтэ. Кини аатынан уулуссалар, оскуолалар бааллар. Бороҕоҥҥо 1966 с. олунньу ый 8 күнүгэр уруккута Борогонскай уулусса Лонгинов аатынан буолбута. Бороҕоҥҥо 2005 с. Улуу Кыайыы 60 сылын көрсө тутуллубут Геройдар аллеяларыгар Герой памятнига турбута. Лонгинов эдьиийдэрэ Ольга, Валентина, балта Иулита Уус Алдаҥҥа хаста да кэлэ сылдьыбыттара. Билигин Лонгиновтар бүгүҥҥү көлүөнэ дьоно сибээһи тутуһаллар. Герой аата умнуллубат.
 
Категория: новости | Просмотров: 183 | Добавил: Aleksandr_Vasilev | Рейтинг: 0.0/0
Всего комментариев: 0
Имя *:
Email *:
Код *: