Спорду өрө тутан!

    Билиҥҥи кэмҥэ, Аан дойду үрдүнэн спорду өрө тутар дьон элбээн тураллар. Ол быыһыгар, биһиги Сахабыт сирэ спорт араас көрүҥунэн,  аҥардас сэҥээрии эрэ өттүнэн буолбакка, умсугуйан туран дьарыктанар буолла. Бу биһирэбиллээх суол.  Спордунан дьарыктанар киһи, бастатан туран, доруобуйата чиҥ буолар; иккиһинэн, киһи бэйэтин эрэх-турах сананара үрдүүр; үсүһунэн, кини өйө-санаата сааһыланар уонна ис туруга  холкутуйар. Онон сирдээн, оҕону спортка кыра сааһыттан сыһыарыахха наада.

     Алтынньы 22 күнүгэр оскуола  алын сүһүөх кылааһын оҕолоругар улуустааҕы лично-команднай первенствоҕа Уопсай Физическай Бэлэмнэниигэ  (ОФП) күрэхтэһии буолбута. Манна улууспут 21 оскуолата кэлэн кыттыыны ылбыта. Элбэх сыраларын ууран, туох баар кыахтарын мунньан биһиги оҕолорбут бочуоттаах 2 миэстэҕэ тигистилэр!

 Ол курдук,  Романова Вика 2 “в” -  уһуну ыстаныыга 1 миэстэ, челночнай сүүрүүгэ 1 миэстэ, 150 миэтирэҕэ сүүрүүгэ 1 миэстэ; Прокопьев Антон 4 “в” уһуну ыстаныыга 1 миэстэ; Васильев Сеня 2 “в” – челночнай сүүрүүгэ 3 миэстэ, имигэс күрэҕэр 1 миэстэ; Крылова Валерия 4 “в” - имигэс күрэҕэр 1 миэстэ.

 Кыттыыны ылбыт оҕолорго, кинилэри үөрэтэр физкультура учууталыгар Ноева Наталья Викторовнаҕа итии-истин эҕэрдэ! Инникитин да оҕолорбут спорт араас көрүннэригэр үрдүк ситиһиилэниэхтэрэ диэн эрэнэбит!