Биһиги улууспутугар Литература сылын түмүктүүр өссө биир бэртээхэй тэрээһин буолан ааста. Саха суруйааччыта биир дойдулаахпыт В.А.Протодьяконов-Кулантай аатынан Чараҥнааҕы литературнай музей көҕүлээһининэн улуус  таһымыгар  “Куорсун” диэн ааттаах хоһоон айааччылар уонна прозаҕа бэйэлэрин кыахтарын холонооччулар литературнай күрэхтэрэ буолла. Бары кэриэтэ айар үлэнэн утумнаахтык дьарыктанар улахан дьон үлэлэрин киллэрбиттэр, биир да оҕо үлэтэ суох. Дьүүллүүр сүбэҕэ Уус-Алдан народнай суруйааччыта Мигалкин И.В., “Чолбон” сурунаал редактора Макеев Д.Н. курдук ааттаах-суоллаах дьон үлэлээтилэр.

   Бу үрдүк таһымнаах күрэххэ биһиги оскуолаттан 9 а кылаас үөрэнээччитэ Старостин Ганя кыһыҥҥы айылҕаны уустаан-ураннаан хоһуйбут дьүһүйүүтүнэн кытынна уонна бириистээх 3-с миэстэни ылан үөрдэ-көттө. Кини иннигэр Ариан Протопопов-Куладьы, саха тылын учуутала А.Бурцева буоллулар. 50-н үөһэ саастаахтарга 1 миэстэ И.Попов, 2-с миэстэ Т.П.Находкина (9 кинигэ автора), 3 миэстэни Мэҥэ-Хаҥаластан “Чиччик” диэн кэпсээни суруйбут автор ыллылар.

   Онон Ганябыт ситиһиититтэн бары үөрэбит, айар үлэнэн өссө күүскэ дьарыктанарыгар баҕарабыт.