«Восточнай» космодромҥа

Муус устар 26 – 28 Амурскай уобалас киинигэр Благовещенскай куоракка Бүтүн Россиятааҕы “КосмоФест – Восточнай” ыччат фестивала Роскосмос күнүгэр ананан ыытылынна. Уус – Алдан улууһун делегациятыгар киирэн Г.В.Егоров аатынан Мүрү 1 №-дээх орто оскуолатыттан 10 “б” кылаас үөрэнээччилэрэ Федоров Ваня уонна Протодьяконов Артем кыттыыны ыллылар. Саха сирин делегациятын Уус – Алдан улууһун техническай айар киин директора Д.И.Жирков салайан илдьэ сырытта.

“Космофест – Восточнай - 2017” фестиваль үөрүүлээх аһыллыыта Амурдааҕы государственнай университекка ыытылынна. Саха сирин делегацията үөрэх тэрилтэлэригэр сылдьыбыт. Университет инженернай-физическэй факультетын «Стартовые и технические ракетные комплексы» кафедратыгар, эдэр ыччыт саҥаны айар «Политех» студиятыгар, Благовещенскайдааҕы государственнай педагоическай оҕо научнай үөрэхтээһин киинигэр, Благовещенскай куорат 16 №-дээх орто оскуолатыгар аэрокосмическай кылааска, судомоделирование куруһуогар сылдьан үгүһү билэн-көрөн кэлбиттэр. Благовещенскай куорат 16 №-дээх орто оскуолатыгар хас сыл аайы судомоделирование спорт көрүҥэр Уһук Илиҥҥи турнир ыытыллар эбит. Оскуола выпускниктара целевой наборунан Амурдааҕы государственнай уонна Бауман аатынан Москва университетыгар ракетостроение идэҕэ үөрэнэ киирэллэр.

“Космофест” фестиваль программата теория уонна практика чаастарыттан турара. Космос теориятын сырдаттылар уонна практиканан араас проектнай площадкаларга сырыттыбыт. Мин проектнай площадкаҕа моделирование перспективных космических аппаратов практическай чааһыгар сырыттым. Онно оҕолору кытта спутник моделын оҥорбуппут, 10 оҕо буолан киирбиппитигэр, хас биирдии остуол аайы пластмаас дьааһык турара, ол иһигэр блог питания, проводтар, камера уо.д.а. тэриллэр бааллара. 5 киһи буолан 2 чаас иһигэр инновационнай технологияны туһанан спутник моделын оҥоруохтаах этибит. Бары биир курдук кыһаллан үлэлээбиппит. Киһи илиитинэн тутан-хабан, көрөрө - үөрэнэрэ туохтааҕар да атын. Манна үлэлээн бэрт элбэҕи биллибит, олус астынныбыт. Маны тэҥэ филармонияҕа, космонавт-летчиктары Россия Геройдарын Калери Александр Юрьевичтыын уонна Скрипочка Олег Ивановичтыын көрсүһүүгэ сылдьыбыппыт. Космонавтар космоска көтүүлэрин, онно бэлэмнэниини хайдах ааһалларын туһунан кэпсээбиттэрэ. Бастакы космонавт Юрий Гагарин космоска барыта 108 мүн. сылдьыбыт эбит буоллаҕына, билигин космонавтар сыл аҥардыыта, сороҕор онтон да уһун кэмҥэ сылдьаллар. Ол устата аһыыр астарын, күннээҕи режимнэрин туһунан билиһиннэрбиттэрэ олус интэриэһинэй этэ.

Космофест саамай интэриэһинэйэ иккис күнүгэр буолбута. «Восточный» космодромҥа сылдьыбыппыт, космодром территориятын иһин, космоска ракета көтөр площадкатын көрбүппүт олус диэн сонун, туохха да кэмнэммэт сөҕүмэр түгэн этэ. Бу айан кэнниттэн мин инники идэбин чопчу быһаардым Амурдааҕы госуниверситет инженернай – физическэй факультетыгар туттарсан, онно үөрэнэн, космоһы кытта сибээстээх идэ ылыахпын баҕардым. Ол инниттэн үчүгэй үөрэх, элбэҕи ааҕыы, билии, доруобай буолуу ирдэнэрин өйдөөн кэллим. Эргиччи туһалаах сырыыбытын тэрийбит салайааччыбытыгар Данил Иванович Жирковка махтанабын.

Мүрү 1 №-дээх орто оскуолатын 10 “б“ кылааһын үөрэнээччитэ

Протодьяконов Артем.