«Ыллаа, үҥкүүлээ оҕо саас» фестиваль

Мүрү 1№-дээх оскуолатыгар үгэс буолбут кылаастар икки ардыларынааҕы фестиваль быйыл САССР 95, Саха сирэ Россия састаабыгар киирбитэ 385,оскуолабыт 145, Россия Үтүөлээх, Образцовай коллектива 45 сылыгар ананан 11 кылаастартан ураты бары кылаастар кыттыылаах бэрт хатыһыылаахтык ыытылынна.

Быйыл Россия Вице премьера О.Голодец уонна үөрэх министрэ О.Васильева «оскуола аайы хор баар буолуохтаах» диэн этиилэрин биһирии истибиппит. Аны бастакы Президеммит М.Е.Николаев «Музыка барыбытыгар»-диэн бырайыагы олоххо киирэн эрэрэ оҕону духовнай культурнай иитиигэ хас биирдии оскуолаттан күүстээх үлэни, болҕомтону эрэйэр. САССР 100 сылын көрсө, аны 5 сылынан оскуоланы бүтэрэр оҕо барыта биир эмэ музыкальнай инструмеҥҥа оонньуур, хорга ыллыыр буолуохтаах. Оттон саха оҕотун хоровой искусствотын аан бастаан Россияҕа, Союзка, аан дойдуга таһаарбыт «Кэнчээри» ансамбль үлэлии олорор оскуолата ордук күүскэ үлэлиэхтээх. Бу суруйа олордохпуна Д.Медведев телевизорга:-«музыкальнай инструмены атыылаһыыга үп көрөргө дьаһал биэрдим» диэн эттэ.

Хоровой жанрга «Кэнчээриттэн» ураты оскуола орто, үрдүкү кылаастарыгар нэдиэлэгэ биир чаас ылан кыһыны быһа хор ыытан кэллим. Онно көтүппэккэ сылдьыбыт кылаастар куолас постановкатын, тыыныы, ыллааһын техникатын барбыт буолан сүгүн сылдьыбатах кылаастартан таһымнара лаппа үрдүгүн, ордук «Кэнчээригэ» сылдьар оҕолор толорор маастарыстыбалара атын оҕолортон таһыччы үрдүгүн көрөөччүлэр да бэлиэтээн эппиттэрин ахтар наадалаах. Быйылгы фестиваль балаһыанньатын юбилейга бэлэмнэнии бэрээдэгинэн бары сүрүн жанрдары киллэрэн ыыттардым. Бэт аҕыйах кылаастан уратылар ону тутуһан бары жанры хабан кытыннылар. Аны хору, ансамбылы академическайдык, куоласка хайытан ыллааһын иһин 2-лии баал эбиллэр буолан кылаастар үксүлэрэ ону толорон балачча тупсаҕайдык толорбуттарын бэлиэтиир наада. Оҕолор кылаастарын чиэһин көмүскүүр патриотическай тыыҥҥа, өйгө-санааҕа киирэн урут ыллаабатах да оҕолор оннооҕор академическай жанрга уонча оҕо күүһүн холоммутун, уонна син добуоччу үчүгэйдик толорбуттарын хайҕыахха эрэ сөп. Үс сылы быһа музыка уруогун анал үөрэҕэ суох киһи ыыппыта улахан охсууну оҥорбутун үрдүнэн, ону ол диэбэккэ кылаастарынан күүскэ үлэлэһэн бэлэмнээччилэр ситиһиннэрэ сатаатыбыт. Кылаастары биэс группаҕа арааран сыаналаатыбыт.

Онуоха: 1 бөлөх 1-2 кылаастарга: 1 миэстэ - 2 «в» Парникова Е.С.; 2 миэстэ - 2 «б» Ефремова Д.Д.; 3 миэстэ - 1 «а» Ноговицына Е.Д; 2 бөлөх 3-4 кыл. : 1 м. - 3 «а» Васильева Е.Д; 2 м. - 4 «б» Портнягина Н.Н; 3 м.- 3 «б» Пермякова Е.О; 3 бөлөх 5-6 кыл. : 1 м. - 5 «б» Матвеева О.Н; 2м.- 6 «б» Никифорова М.Я; 3м - 6 «а» Артамонова А.Н;

4 бөлөх 7-8 кыл. : 1м. - 8 «а» Аммосова М.А; 2м. - 7 «б» Лазарева Н.И.; 3 м. - 8 «б» Цой В.И; 5 бөлөх 9-10 кыл.: 1 м. - 9 «б» Егорова Е.Т; 2 м. - 10 «б» Жиркова Л.Г; 3 м. - 10 «а» Мигалкин А.М. буоллулар.

Хордары ансамбллары толорууга кыра кылаастарга 2в,4б,3а,5б, улахаттарга 7б, 8а, 9б, 10б кылаастар үгэйдик ыллаатылар. Соло -ҕа «Кэнчээри» ырыаһыттара Айыына Корякина, Юля Сивцева, сольнай үҥкүүгэ «Кэнчээри» үҥкүүһүттэрэ дуэтнай үҥкүүгэ республика чемпиона Цой Клава, Олесова Вика, Айсен Гоголев таһыччы үрдүк таһымнаахтык толорбуттарын, кылаастарын үрдүкү кэрдиискэ тахсалларын хааччыйбыттарын хайгыыр тоҕоостоох. Кылаас икки хору толоруохтааҕыттан «Маҥнайгы нүөмэрдээх оскуола» диэн учуутал В.И.Аммосова тылыгар айбыт оскуола Гимнэ буолар ырыабын кылаас барыта толорон оскуолабыт юбилейыгар ыллыыр ырыабытын торумнаатыбыт. Аны «Главная песня Родины» диэн IV-үс республиканскай конкурска кыттарга бэлэмнэниэхпитин наада.Урут буолбут үс конкурска Гран При буолан турабыт. Кэлэр өртүгэр кылаастар кыһыны быһа ыытыллар хор занятиятыгар оҕолоргутун сырытыннаран, куоластарын постановкалатан, ыллааһын техникатыгар үөрэттэрэн толоруу маастарыстыбатын үрдэтиигэ күүскэ үлэлэһэргит наада.

Жюри председателэ:  В. Парников.